日本野其實幾岩我編，但唱既話要睇緣份，呢首見住佢一路幾次好似流星咁滑過我面前，要做既話真係要兩三個禮拜前做好，先會有正確效果，e家又變左餘韻；不過坤哥又真係問左好多次，隔幾日又問隔幾日又問；我其實做緊幾首歌既監製😂趕緊幾首歌既製作未得閒理會佢😂 終於完成手頭上既deadline，用左一晚時間搞，join返佢地本身錄好既片，一直唔敢睇網上既人點樣處理呢首歌，驚影響我既處理；今日編完upload左終於放監，睇左好多唔同talent做呢首，有d 百幾二百人成間學校癲左，有d彈彈下彈左小丸子亂入，有d個音樂底就同我諗法差唔多，差在幾認真做，豐儉由人。
大家都係被歌詞果種純粹感動到。今次既bonus就係原創者星野源都睇到，share左o係ig story，有時音樂就係咁，將唔同國家既人短暫拉近左一下子。
有時間explore下，好多用畢生做音樂既人，佢地冇其他野可以更代表到自己，窮得只有音樂。有時只係想用音樂稍為溫暖一下。我都係。
預告一下，近來監製既歌裡面，將有一首為兒時日本動漫歌種投射既歌出現。:D
Search